O BRAZO PARTIDO DO RAPOSO
CONTO
CONTO
O raposo e mais a raposa viron pereira madura, e a raposa díxolle ao raposo:
-Sube e colle unhas peras.
-Vou caer -dixo o raposo- e se parto unha perna.....
-Anda, que non caes.
Subiu o raposo, caeu, e partiu un brazo. Daquela díxolle á raposa:
-¡Oes, vaite á porca que che dea catro sedas!
A raposa foise e díxolle á porca:
-¡Porca, dáme catro sedas para lle levar ao meu Peruchiño que caeu dunha pereira enbaixo e partiu un brazo!
-¡Desgraciado! -díxolle a porca-. ¡Pois dille á ucha que che dea as aveas!
-¡Ucha, dáme as aveas para lle levar á porca, para que a porca me dea
catro sedas, para llas levar ao meu Peruchiño, que caeu dunha pereira
embaixo e parteu un brazo!
-¡Desgraciado! -díxolle a ucha-. ¡Dille ao ferreiro que che deas as chaves!
-¡Ferreiro, dáme as chaves para que a ucha me dea as aveas para llas
levar á porca, para que a porca me dea catro sedas, para llas levar ao
meu Peruchiño que caeu dunha pereira embaixo e partiu un brazo!
-¡Desgraciada! -dixo o ferreiro-. ¡Dille á ovella que che dea un carneiro!
-¡Ovella, dáme un carneiro para que o ferreiro me dea as chaves, para
que a ucha que dea as aveas para llas levar á porca, para que a porca me
dea catro sedas, para llas levar au meu Peruchiño, que caeu dunha
pereira embaixo e partiu un brazo!
-¡Desgraciada! - díxolle a ovalle-. ¡Dille á cadela que che dea un can!
¡Cadela, dáme un can, para que a ovella me dea un carneiro, para que o
ferreiro me dea as chaves, para que a ucha que dea as aveas para llas
levar á porca, para que a porca me dea catro sedas, para llas levar au
meu Peruchiño, que caeu dunha pereira embaixo e partiu un brazo!
¡Desgraciada! -díxolle a cadela-. Dille á panadeira que che de un pan!
¡Desgraciada! -díxolle a panadeira.- ¡Dille á vaca que che de leite!
-¡Vaca dáme leite, para que a panadeira me dea un pan, para que a
cadela me de un can, para que a ovella me dea un carneiro, para que o
ferreiro me dea as chaves, para que a ucha que dea as aveas para llas
levar á porca, para que a porca me dea catro sedas, para llas levar au
meu Peruchiño, que caeu dunha pereira embaixo e partiu un brazo!
-¡Desgraciada! -díxolle a vaca-. ¡Dille ao prado que dea herba!
¡Prado, dáme herba, para que a vaca me de leite, para que a panadeira
me dea un pan, para que a cadela me de un can, para que a ovella me dea
un carneiro, para que o ferreiro me dea as chaves, para que a ucha que
dea as aveas para llas levar á porca, para que a porca me dea catro
sedas, para llas levar au meu Peruchiño, que caeu dunha pereira embaixo e
partiu un brazo!
¡Desgraciada! -dixo o prado-. ¡Fai que me reguen!
E a raposa fixo que regaran o prado, e o prado dou herha, e a herba
levoulla á vaca, e a vaca deulle leite, e o leite levouno á panadeira, e
a panadeira deulle pan, e a cadela deulle o can, e o can levoullo á
ovella, e a ovella deulle o carneiro, e o carneiro levoullo ao ferreiro,
e o ferreiro doulle as chaves, e as chaves levoullas á ucha, e a ucha
deuñlle as aveas, e as aveas levoullas á porca, e a porca deulle as
sedas, e cando a raposa chegou coas sedas ¡xa o seu Perichiño morrera!
SÍGUENOS:
Facebook
Twitter
Pinterest
Google+
Instagram
YouTube
XOAN ARCO DA VELLA
este conto o tengo na clase e esta moi ben
ResponderEliminar