VIDA MARIÑEIRA
CRENZAS
CRENZAS
RITOS DE PROTECCIÓN
Na vida mariñeira existen toda unha serie de tradicións que buscan a protección da casa fronte a toda clase de inimigos invisibles.
Cando
as casas están en construcción agóchanse, dentro das paredes, moedas
que tiveran unha cruz e cando se rematan póñense en recunchos cornos,
ferraduras ou ramos. Hoxe en día estase a substituír por comidas
festivas ou pola súa beizón por parte do cura do lugar.
Así mesmo, as entradas da casa estaban protexidas ó colocar ramos con xestas en flor (no mes de maio) ou ó pintar cruces de cor (normalmente vermella) nas portas, para cós malos espíritos non entrasen na casa. Incluso existe o costume de pintar desa cor algunha das paredes exteriores das casas.
Así mesmo, as entradas da casa estaban protexidas ó colocar ramos con xestas en flor (no mes de maio) ou ó pintar cruces de cor (normalmente vermella) nas portas, para cós malos espíritos non entrasen na casa. Incluso existe o costume de pintar desa cor algunha das paredes exteriores das casas.
Hai tradicións para os barcos novos, xa que cando se produce a botadura dun buque celébrase a cerimonia escachando contra el unha botella de cava, levando a beizón por parte do cura ou poñéndolle o ramo ou allos en calquera recuncho da embarcación. Son tradicións que sobreviven probablemente derivadas doutros ritos arcaicos.
Outras ocasións onde se celebran ritos de protección dos buques son na noite de San Xoán, cando tamén se lle depositaban ramos de xestas ou codesos, e no sábado de Gloria, espallándolle enriba auga bendita.
Para protexe-la pesca , son variados os ritos que, no mundo mariñeiro, se realizan co gallo de tentar de atrae-la pesca: mediante asubíos, facendo ofrendas ó mar, como botar ó mar anacos de pan de millo, ou indo á misa antes de comeza-la tempada de pesca.
Para protexe-la pesca , son variados os ritos que, no mundo mariñeiro, se realizan co gallo de tentar de atrae-la pesca: mediante asubíos, facendo ofrendas ó mar, como botar ó mar anacos de pan de millo, ou indo á misa antes de comeza-la tempada de pesca.
Diferentes debuxos eran empregados, sobre todo, no sur de Galicia, para identifica-las barcas e aparellos de cada un. Debemos lembrar que as cores nas embarcacións é un feito relativamente recente, xa que os botes dos pescadores eran totalmente negros debidos á brea que os protexía. Sen embargo a outros símbolos, coma "o sansolimán", ou "a estrela de David", outorgábanselle poderes máxicos contra determinados perigos e inimigos.
A RELIXIOSIDADE DO MUNDO MARIÑEIRO
A
fonda relixiosidade do mariñeiro galego é ben coñecida e dela
consérvanse moitos e variados ritos. Non é estraño a busca de axuda
sobrenatural cando se hai que enfrontar ós perigos que o mar presenta.
Un
dos rituais máis difundidos é o do saúdo, consistente en saudar dende o
barco ás capelas de virxes ou santos situadas nos promontorios da
costa. Normalmente acompañábase dun grolo de augardente que o patrón lle
ofrecía á tripulación.
Outros
costumes frecuentes eran a beizón do barco cada vez que comezaba unha
nova tempada de pesca ou ir en procesión ata o santo ó que se lle tiña
devoción cunha maqueta dun buque, que se deixaba na igrexa, como
agradecemento pola liberación dun naufraxio. Tamén son abundantes as
oracións ou ritos, ben para evita-los temporais ben para ter ventos
favorables.
Nas costas galegas sucédense as devocións que teñen sempre coma protagonista ó mar...
Citar
tódalas referencias devotas da espiritualidade mariñeira, nunha terra
coma a nosa, é unha cousa case imposible. Cada vila, cada aldea, cada
lugar zoupado polas ondas e que sabe de invernos escuros e treboentos,
foi tecendo a súa particular devoción e erguendo o seu senlleiro
patrón.
Dende Ribadeo a Tui, ducias e ducias de nomes van forzando unha chea de tradicións e fermosos costumes.
Ademais dos nomes antes vencellados á tradición mariñeira, en cada vila xorde un novo protagonista.
Pódese citar á Virxe de Chamorro, patroa dos mariñeiros de Ferrol, vixía polo horizonte húmido alí cara ó Nordés, concedéndolle a súa protección a todo aquel que acode ata o seu santuario erguido nun monte rochoso e espido que lembra as paisaxes de Teixido ou de Muxía. Para outros, ollando máis ó setentrión, a devoción cambia de nome : Nosa Señora de Bares....Hai incluso quen conxuga a protección de varios padroeiros:
Pódese citar á Virxe de Chamorro, patroa dos mariñeiros de Ferrol, vixía polo horizonte húmido alí cara ó Nordés, concedéndolle a súa protección a todo aquel que acode ata o seu santuario erguido nun monte rochoso e espido que lembra as paisaxes de Teixido ou de Muxía. Para outros, ollando máis ó setentrión, a devoción cambia de nome : Nosa Señora de Bares....Hai incluso quen conxuga a protección de varios padroeiros:
"Veño da Virxe da Barca, / vou para a Virxe do Monte, / remeiriños de Muxía, / víndeme pasar que é noite".
Xa en terras da Mariña luguesa, escóllese ó mítico San Roque, que igual cura un andazo, derrota o inimigo invasor ou domina os elementos da natureza, convertendo ademais os seus devotos á súa particular "afección'' nunha cantiga :
"Catro
vellos mariñeiros, / catro vellos mariñeiros / todos metidos nun bote. /
Voga, voga mariñeiro / vamos para Viveiro / xa se ve o San Roque".
Tamén hai outros patróns máis descoñecidos coma Santa Bárbara ou incluso unha parella de sabios segundo di esta cantiga:
"San Xerome e San Román, teñen as chaves do temporal / e así como eles son santos / sexan os tronos amansados''.
Mais sonada pola súa vocación procreadora -os baños das nove ondas en A Lanzada- non debe facer esquecer este rito a antiquísima tradición de avogosa protectora da Señora da Area en Sanxenxo, onde se ergue a románica ermida a carón do areal, e que segundo afirma a tradición ten o honor de impedir que ningún mariñeiro afogue nesas augas, pois como di a cantiga:
"Nosa Señora da Area / dona da Lanzada / non permite que o mariñeiro / teña morte afogada".
Identificacións e advocacións curiosas incluso se dan en lugares coma o fermoso lugar de Xuño, en Porto do Son. Alí o cadáver dun descoñecido mariñeiro que levou o mar á area foi identificado co mesmo arcanxo San Miguel, e a súa tumba era o lugar ideal para deitarse e así recolle-los beneficios daquel soño: a seguridade da súa protección e o afastamento de desgracias no mar
Identificacións e advocacións curiosas incluso se dan en lugares coma o fermoso lugar de Xuño, en Porto do Son. Alí o cadáver dun descoñecido mariñeiro que levou o mar á area foi identificado co mesmo arcanxo San Miguel, e a súa tumba era o lugar ideal para deitarse e así recolle-los beneficios daquel soño: a seguridade da súa protección e o afastamento de desgracias no mar
SÍGUENOS:
Facebook
Twitter
Pinterest
Google+
Instagram
YouTube
XOAN ARCO DA VELLA
No hay comentarios:
Publicar un comentario
Está permitida la reproducción total o parcial de los trabajos y fotos de este blog.
Te agradecemos nos sugieras de sitios para trabajos nuevos.
Mis correos:
Apd. de Correos: 83 - 36900 - Marin - Pontevedra
xoanarcodavella@gmail.com
Telf - WhatsAp.: 600590901